பீகார் முதல்வர் நிதிஷ் குமார் பாட்னாவில் உள்ள தனது சொந்த கிராமமான பக்தியார்பூரில் மருத்துவமனை ஒன்றை தொடங்கிவைக்க சென்ற போது இளைஞர் ஒருவர் முதல்வரை கன்னத்தில் அறைந்த சம்பவம் அரங்கேறியுள்ளது.
அங்குள்ள ஒரு சிலைக்கு அவர் மலர்களை அர்ச்சித்து கொண்டிருந்தபோது, ஒரு இளைஞன் அவசரமாக வந்து படியில் ஏறினான். பீகார் முதல்வரின் கன்னத்தில் அந்த இளைஞர் அறைய முயன்றபோது காவலர்கள் அவரை பிடிக்க முயன்றனர்.
ஆனால், அந்த அறை முதல்வர் நிதிஸ் குமாரின் கையில் பட்டது. இதுதொடர்பான வீடியோ தற்போது வைரலாக பரவி வருகிறது. உடனே போலீசார் அந்த இளைஞரை கைது செய்தனர். அந்த இளைஞர் பக்தியார்பூர் காவல் நிலையத்திற்கு அழைத்துச் செல்லப்பட்டுள்ளார். அவரது அடையாளம் இதுவரை வெளியாகவில்லை.
இந்த சம்பவத்தின் வீடியோ கேமராவில் பதிவானது, சிறிது நேரத்தில் வைரலாக பரவியது. நிதிஷ்குமார் இப்படி தாக்கப்படுவது இது முதல் முறையல்ல. 2020 சட்டசபை தேர்தலின் போதும், முதல்வர் நிதிஷ் குமார் தாக்கப்பட்டார். மதுபானியில் உள்ள ஹர்லாகி சட்டமன்றத் தொகுதியில் பேரணியில் உரையாற்ற நிதிஷ்குமார் வந்தபோது, அவர் தாக்கப்பட்டார்.
நிதீஷ் ஒரு பேரணியில் உரையாற்றிக் கொண்டிருந்தபோது, அவர் மீது வெங்காயத் துண்டு மற்றும் கல் வீசப்பட்டது. இதற்கு முன்னர் டெல்லி முதல்வர் கெஜ்ரிவால் இரண்டு முறை கன்னத்தில் அடி வாங்கிய சம்பவமும் அரங்கேறி இருப்பது குறிப்பிடத்தக்கது.
बख़्तियारपुर में नीतीश कुमार जी को किसी सनकी युवक ने जाकर थप्पड़ लगा दिया, #SecurutyBreach है। ऐसी चीजें बर्दाश्त नहीं करनी चाहिए । सख़्त कारवाई हो।
— Ravi Ranjan (@RaviRanjanIn) March 27, 2022
video courtesy - WA pic.twitter.com/JMsrURl4OU
