கோவாவின் பர்தகல் கிராமம் ஒரு வரலாற்று தருணத்தைக் கண்டது.  பழமையான ஸ்ரீ சமஸ்தான் கோகர்ண ஜீவோத்தம் மடம், பல நூற்றாண்டுகளாக நடந்துகொண்டிருந்த ஆன்மிகத்தின் அடையாளமாக காணப்டுகிறது. இந்த மடத்தின் 550 ஆவது ஆண்டு விழா கொண்டாட்டத்தின் ஒரு பகுதியாக, பிரதமர் நரேந்திர மோடி உலகின்  மிகப்பெரிய  77 அடி உயர வெண்கல ராமர் சிலையை திறந்து வைத்தார். இந்த சிலை ராமர் மீதான பக்தியின் அடையாளமாக விளங்குகிறது. மேலும், இந்த விழாவில் ராமர் கருப்பொருள் பூங்கா தோட்டமும் திறந்து வைக்கப்பட்டது. இது ராமர் கதைகளை மையமாகக் கொண்ட ஒரு சிறப்பு தோட்டமாகும்.

மொத்தம் 77 அடி உயரத்தில் செதுக்கப்பட்ட இந்த வெண்கல ராமர் சிலை, கண்ணால் காணும் போது வானத்தைத் தொடும் போலத் தோன்றுகிறது. அதன் அமைதியான முகம், நிமிர்ந்து நிற்கும் உருவம், கரங்களில் தாங்கியுள்ள வில்லும் அம்பும்—இவை அனைத்தும் வெண்கலத்தால் ஆனது என்று சொல்லும்போது யாரும் நம்ப மாட்டார்கள். உயிர் உள்ளது  போலவே இவ்வளவு நுணுக்கமாக வடிவமைக்கப்பட்ட இந்த சிற்பம், உண்மையில் ஒரு கலை அதிசயம். அந்த அதிசயத்தை உருவாக்கியவர் இந்தியாவின் உலகப் புகழ்பெற்ற சிற்பி ராம் சுதார். குஜராத்தின் ‘ஒற்றுமைக்கான சிலை’ எனப்படும் வல்லபாய் படேல் சிலையை உருவாக்கிய அதே சிற்பி. பல தசாப்த அனுபவத்துடனும், இந்தியாவின் பெருமையை உயர்த்த வேண்டும் என்ற மனதுடனும் இந்த ராமர் உருவத்தை செதுக்கியிருக்கிறார்.

பக்தர்களின் ஜெய் ஸ்ரீ ராம்’  முழக்கத்துடன். மந்திரங்கள் முழங்கியபடி பிராண பிரதிஷ்டைசெய்யப்பட்டது. காற்றில் வீசும் தூப மலரின் மணமும், கோவாவின் மலைக்காற்றும், சூரியனின் ஒளியுடன் கலந்தபடி அந்த காட்சியைப் பார்த்தவர்கள் எல்லோரும் ஒரு விசேஷமான ஆன்மீக உணர்வை பெற்றனர். 

பிரதமர் மோடி சிலையை திறந்து வைத்த அடுத்த நொடி—அங்கே இருந்த அனைவரின் மனதிலும்  புதிய உணர்வில். மே மறந்தார்கள்.77 அடி உயரத்தில் பிரமாண்டமாக நிமிர்ந்து நின்ற  ராமர்  அனைத்து பக்தர்களையும் தன்னுள் இழுத்தார் .  இந்த விழா ஒரு சாதாரண திறப்பு விழா அல்ல. 570 ஆண்டுகள் பழமையான மடத்தின் பாரம்பரியத்தை நினைவுகூறும் ஒரு பெரும் மரபுவிழா. காலத்தின் ஓட்டத்தில் பல ராஜ வம்சங்களின் ஆதரவையும், பல தலைமுறைகளின் பக்தியையும் பெற்ற இந்த மடம், இந்த ராமர் சிலையை ஒரு புதிய வரலாற்று அடையாளமாக உலகுக்கு காட்டியுள்ளது. 

இந்த 77 அடி உயரமான ராமர் சிலை, வெண்கலத்தில் உருவாக்கப்பட்ட ஒரு கலைவாசகம் மட்டுமல்ல. அது இந்தியாவின் ஆயிரம் வருட ஆன்மீக சக்தியின் சின்னம். நம்பிக்கை, தர்மம், தைரியம், கருணைஇந்த நான்கு குணங்களையும் ராமர் எடுத்துக்காட்டுவார். அந்த மதிப்புகளை அடுத்த தலைமுறைக்கு கொண்டு செல்லும் வகையில் இந்த சிலை கோவாவில் ஒரு ‘நிகழும் வரலாறு’ போல இன்று நிமிர்ந்து நிற்கிறது.

இந்தக் காட்சியைப் பார்த்த கோவா மக்கள் மட்டுமல்ல, இந்தியர்களின் மனதிலும் இன்று ஒரு பெருமை எழுந்திருக்கிறது. இந்திய கலாசாரம் எப்போதும் வானத்தைத் தொடும். எந்நேரமும் உயர்ந்து நிற்கும்.அதே உணர்வை உலகுக்கு அறிவிக்கும் ஒரு பிரமாண்ட நாளாக ராமர் சிலை திறப்பு விழா பதிவு செய்யப்பட்டுள்ளது.