பொள்ளாச்சி இளநீரே என்ற திரைப்பட பாடல் மறந்து இனி பொள்ளாச்சியில் அண்ணாமலையின் பேச்சே என சமூக வலைத்தளத்தில் வைரலானாலும் ஆச்சர்யம் இல்லை அந்த வகையில் முதல்வர் ஸ்டாலினை கலாய்த்து பேசி இருக்கிறார் பாஜக மாநில தலைவர் அண்ணாமலை.
பொள்ளாச்சியில் அண்ணாமலை தலைமையில் 8 ஆண்டு பிரதமர் மோடி அரசின் சாதனை விளக்க பொது கூட்டம் நடந்தது, இந்த மாநாட்டுக்காக சென்னை செயிண்ட் ஜார்ஜ் கோட்டை வடிவில் மாநாட்டு முகப்பு அமைக்கப்பட்டது . அதில்,'பொள்ளாட்சியில் தாமரை ஆட்சி' என குறிப்பிடப்பட்டு இருந்தது.
பா.ஜ.க தமிழகத்தில் வலுவாகக் காலூன்றும் முயற்சிகளை கடந்த சில ஆண்டுகளாக மேற்கொண்டு வருகிறது. தமிழக மக்கள் மத்தியில் ஆதரவைப் பெறுவதற்காக கட்சியில் புது ரத்தம் பாய்ச்சி வருகின்றனர். அண்ணாமலை பாஜக தலைவரான பிறகு அக்கட்சியின் செயல்பாடுகளில் வேகம் கூடியுள்ளது. தி.மு.க அரசை எதிர்ப்பதில் எதிர்க்கட்சித் தலைவர் எடப்பாடி பழனிசாமியை மிஞ்சி செயல்பட்டு வருகிறார் அண்ணாமலை.
தி.மு.க அரசு மீது அண்ணாமலை தொடர்ந்து குற்றச்சாட்டுகளை முன்வைத்து வருவது ஆளுங்கட்சியினருக்கும் குடைச்சலாகவே மாறியுள்ளது.
அண்ணாமலை வைக்கும் குற்றசாட்டுகளுக்கு பதில் கொடுக்க பல அமைச்சர்கள் தயங்கி வருகின்றனர், இந்த சூழலில் பொள்ளாச்சியில் முதல்வர் ஸ்டாலினின் செயல்பாடுகளை விமர்சனம் செய்த அண்ணாமலை,
நிகழ்ச்சியின் இடையே வழக்கம்போல் முதல்வரை கலாய்த்து பேசினார், "பதநீரை குடிச்சிட்டு, 'ஏம்ப்பா, சக்கரை போட்டீங்களா இல்லையா'ன்னு அவர் கேட்டப்பவே தெரியும், தஞ்சாவூர்ல அவர் ஏடா கூடமா ஏதோ பண்ணப் போறார்ன்னு நினச்சேன் அதே போன்று செய்துவிட்டார் என கிண்டல் செய்து பேசினார் அண்ணாமலை.
இந்த பேச்சு சமூக வலைத்தளங்களில் வைரலாகி வருகிறது, இதுவரை இல்லாத அளவு அண்ணாமலை முதல்வர் ஸ்டாலினை கிண்டல் செய்து இருப்பதாக பலரும் கருத்து தெரிவித்து வருகின்றனர். வைரலாகும் வீடியோ கீழே இணைக்கப்பட்டுள்ளது.
