நகைச்சுவை நடிகர் சந்தானம் நடிப்பில் கார்த்திக் யோகி இயக்கத்தின் உருவாகி இருக்கும் வடக்குப்பட்டி ராமசாமி படத்தின் டிரைலர் பொங்கலை முன்னிட்டு வெளியானது. அதில் இடம்பெற்ற கடவுள் இல்லைன்னு சொல்வானே ராமசாமி அவனா என்ற வசனம் சர்ச்சையானது. இது திமுகவினரிடையே பெரும் எதிர்ப்பு கிளம்பியது. நேற்று ரஜினிகாந்த் நடித்த லால் சலாம் படத்தின் இசை வெளியிட்டு விழா நடந்த நிலையில் இன்று சந்தானத்தின் வடக்குப்பட்டி ராமசாமி படத்தின் இசை வெளியிட்டு விழா நடைபெற்றது. இதில் சந்தானம் திமுகவுக்கு பதிலடி கொடுத்து பேசியுள்ளது இணையத்தில் வைரலாகி வருகிறது.
சினிமா வாழ்க்கையில் முன்னணி நடிகர்களுடன் காமெடியனாக நடித்து வந்த சந்தானம் ஒரு படி மேல போய் நடிகராக அவதாரம் எடுத்தார். உதயநிதிக்கு நெருங்கிய நண்பர்கள் வரிசையில் சந்தானமும் ஒருவர். சந்தானம் மூலமே உதயநிதி மக்களுக்கு அறிமுகமானார். டிக்கிலோனா படத்தை தொடர்ந்து கவுண்டமணியின் பிரபல காமெடியை நியாபகப்படுத்தும் விதமாக வடக்குப்பட்டி ராமசாமி என்ற வார்த்தையைத் தலைப்பாக வைத்து படப்பிடிப்பை தொடங்கினார். இந்த படம் வரும் பிப்ரவரி 2ம் தேதி வெளியாகவுள்ளது. இப்படத்தின் டிரைலர் வெளியாகி படத்தின் மீதான எதிர்பார்ப்பை அதிகரித்தது.
வடக்குப்பட்டி ராமசாமியின் ட்ரைலரில் பெரியாரை விமர்சித்துள்ளனர் என எதிர்ப்புகள் கிளம்பின. இத்திரைப்படத்தை ப்ரோமோட் செய்யும் வகையில் வீடியோ ஒன்றை தனது ட்விட்டர் பக்கத்தில் வெளியிட்டு இருந்தார். அந்த வீடியோ, ஈவெ ராமசாமியை கிண்டல் அடிக்கும் வகையில் இருந்தது. இந்த சாமியே இல்லைன்னு ஊருக்குள்ள சொல்லிட்டுட் திரிஞ்சியே அந்த ராமசாமிதானே நீ என்று ஒருவர் கேட்க சந்தானம், பொறுமையாக சாமிக்கு கற்பூரம் ஏற்றி நான் அந்த ராமசாமி இல்லை என்று சொல்லி கற்பூரத்தை காட்டி உள்ளார். இது திமுகவின் கொள்கையை சுட்டி காட்டுவதாக கண்டனம் வளைத்து வந்தது உடனே சந்தானம் அந்த பதிவு நீக்கினார்.
இதுகுறித்து கருத்து தெரிவிக்காமல் இருந்த நடிகர் சந்தானம், இன்று நடைபெற்ற வடக்குப்பட்டி ராமசாமி படத்தின் பாடல் வெளியீட்டு விழாவில் விளக்கம் அளித்தார். நிகழ்ச்சியில் நடிகர் சந்தனாம் பேசுகையில், "படத்தின் ஒரு விஷயம் சர்ச்சையாக மாறியது. அப்போது நான் தயாரிப்பாளரிடம் ‘எதற்கும் பயப்பட வேண்டாம்; இதெல்லாம் படத்திற்கான பிரமோஷன் என நினைத்து கொள்வோம்’ என கூறினேன்” இது திமுகவுக்கும் எதிர்ப்பு தெரிவித்தவர்களுக்கும் பெரும் அடியாக கொடுத்துள்ளார் சந்தனாம்.
இதில் சந்தானத்தின் நெருங்கிய நண்பர் ஆர்யா கலந்து கொண்டார். இந்த வீடியோ இணையத்தில் வைரலாக இந்த நேரம் அந்த இடத்தில் உதயநிதி ஸ்டாலின் நின்று கொண்டு பேசியிருப்பார் என்றும் "ராமசாமி" பற்றிய வசனம் கிளப்பிய சர்ச்சை காரணமாக ரெட் ஜெயன்ட் நிறுவனம் படத்தை ரிலீஸ் செய்வதில் இருந்து ஒதுங்கிக் கொண்டது. அதனால், சிறப்பு விருந்தினராக ஆர்யாவை அழைத்து வந்திருந்தார் சந்தானம்.என நெட்டிசன்கள் பதிவிட்டு வருகின்றனர். நீங்கள் உண்மைய தானே சொன்னீங்க. அது சர்ச்சை அல்ல. வடக்குப்பட்டி ராமசாமி மாபெரும் வெற்றியை அடையும் என ஆதரவு கொடுத்து இந்து பேச்சு திமுகவுக்கு நெத்தியடி கொடுத்துள்ளீர்கள் தலைவா என கூறுகின்றனர்.
