கரூர் பாராளுமன்ற உறுப்பினர் ஜோதிமணி உள்ளாட்சி தேர்தலில் சீட் பங்கீடு தொடர்பாக   திமுகவை சேர்ந்த செந்தில் பாலாஜியிடம் வாக்கு வாதத்தில் ஈடுபட்டது ஊடகங்களில் பெரும் சர்ச்சையான நிலையில் சிறிது காலம் எந்த சர்ச்சையிலும் சிக்காமல் இருந்தார் இந்த நிலையில் தற்போது கரூர் பகுதியை சேர்ந்த வாக்காளர் ஜோதிமணியை காட்டமாக விமர்சனம் செய்யும் வீடியோ இணையத்தில் வைரலாகி வருகிறது.

நாட்டின் 77 வது சுதந்திர தினத்தை முன்னிட்டு கிராமங்களில் கிராம சபை கூட்டம் நடைபெற்றது,இந்த கிராம சபை கூட்டத்தில் மக்கள் பிரதிநிகள் கலந்து கொள்வது வழக்கம்,இந்நிலையில் கரூர் பாராளுமன்ற தொகுதி காங்கிரஸ் எம்பி ஜோதிமணி கரூர் மாவட்டம் கிருஷ்ணராயபுரம் சட்டமன்ற தொகுதிக்குட்பட்ட மூக்கணாங்குறிச்சி கந்தசாரப்பட்டி பகுதி கிராமத்தில் கிராம சபை கூட்டத்தில் கலந்து கொள்ள முன் ஏற்பாடுகள் செய்யப்பட்டு இருந்தன.

இந்த நிலையில் கிராம சபை கூட்டத்தில் கலந்து கொள்ள வந்த ஜோதிமணி இடம் அப்பகுதியை சேர்ந்த ஒருவர் தேர்தல் நேரம் வரும் போது மட்டுமே எங்களை உங்களுக்கு ஞாபகம் வருமா,வாக்கு கேட்க மட்டுமே வருகின்றீர்கள், அதன் பின்னர் இந்த பகுதியில் உங்களை பார்க்கவே இல்லை குறிப்பாக நன்றி கூற கூட வரவில்லை என்று காட்டமாக கேள்வி கேட்க,உடனே எம்பி ஜோதிமணி எம்பி தொகுதி உட்பட்ட பல்வேறு பகுதியில் நன்றி தெரிவித்து கொண்டு தான் வந்து கொண்டு உள்ளேன்,கரூர் பாராளுமன்ற தொகுதியில் உள்ள கிராமங்களில் நன்றி தெரிவித்து கொண்டு வந்து உள்ளேன், நீங்கள் வேணும் என்று என்னிடம் வாக்குவாதத்தில் ஈடுபட வந்தது போல் தெரிகிறது என கேள்வி கேட்ட நபரிடம் எம்பி ஜோதிமணி ஆவேசமாக பேசினார்.

இந்த நிலையில் எதையும் கண்டு கொள்ளாத அந்த நபர் தொடர்ந்து வாக்கு சேகரிக்க மட்டும் தான் வருகிறீர்கள் ஃபோன் செய்தால் ஒரு முறையாவது எடுத்து உள்ளீர்களா?எம்பி என்கின்ற முறையில் நாங்கள் யாரிடம் முறையிடுவது என அடுக்கடுக்காக கேள்வி எழுப்பினார். கிராம சபை கூட்டத்தில் குடியிருந்த பொதுமக்கள் மற்றும் போலீசார் சூழ்ந்ததால் சற்று பரபரப்பு நிலவியது - இந்த நிலையில் அப்பகுதியில் இருந்த காவல்துறையினர் சம்பந்தப்பட்ட நபரை ஆசுவாசப்படுத்தி அழைத்துச் சென்றனர்.

தொகுதியில் மக்கள் எப்படி இருக்கிறார்கள் என பார்ப்பது இல்லை போன் செய்தாலும் எடுப்பது இல்லை எப்ப பாரு பாராளுமன்றம் போனால் மோடிக்கு அட்வைஸ் கொடுக்கிறத தவிர தொகுதி பிரச்சனையை பேசுவதே இல்லை என்ற ஆதங்கத்தை கரூர் பகுதி வாக்காளர் ஜோதிமணிக்கு எதிராக கொட்டி தீர்த்ததாக கூறப்படுகிறது. 

அதிர்ச்சியாக திமுக மற்றும் திமுக கூட்டணி கட்சியை சேர்ந்த எம் பி கள் கடும் பின்னடவை மக்கள் மத்தியில் சந்தித்து வருவது அதிகரிக்க தொடங்கி இருப்பது குறிப்பிடத்தக்கது.