நாரதா லஞ்ச வழக்கில் மேற்கு வங்க அமைச்சர்கள் ஃபிர்ஹாத் ஹக்கீம் மற்றும் சுப்ரதா முகர்ஜி மற்றும் திரிணாமுல் காங்கிரஸ் எம்.எல்.ஏ மதன் மித்ரா ஆகியோரை மத்திய புலனாய்வுத் துறை (சிபிஐ )இன்று கைது செய்ததாக பி.டி.ஐ தெரிவித்துள்ளது.
இந்த வழக்கில் முன்னாள் திரிணாமுல் காங்கிரஸ் தலைவர் சோவன் சாட்டர்ஜியும் கைது செய்யப்பட்டுள்ளதாக செய்தி நிறுவனம் தெரிவித்துள்ளது.பாரதீய ஜனதா கட்சியில் சேர அவர் 2019-ல் திரிணாமுல் காங்கிரஸில் இருந்து விலகியிருந்தார், ஆனால் மார்ச் மாதத்தில் பாஜக கட்சியையும் அவரை சேர்க்க சம்மதிக்கவில்லை எனவே அவர் வெளியேறினார். அவர் இந்த ஆண்டு தேர்தலிலும் போட்டியிடவில்லை.
இந்த வழக்கில் முன் அறிவிப்பின்றி கைது செய்யப்பட்டதாக ஹக்கீம் குற்றம் சாட்டியதாக நியூஸ் 18 செய்தி வெளியிட்டுள்ளது. "நீதிமன்றத்தில் நான் கைது செய்யப்பட்டதை எதிர்த்து நான் சவால் விடுவேன்," என்று அவர் கூறினார்.தனது அமைச்சர்கள் கைது செய்யபட்டதை அறிந்த பின்னர், மேற்கு வங்க முதல்வர் மம்தா பானர்ஜி மற்றும் பிற திரிணாமுல் காங்கிரஸ் தலைவர்கள் சிபிஐ அலுவலகத்திற்குச் சென்றனர்,
லஞ்சம் வழக்கில் நாரதா நியூஸ் வெளியிட்ட வீடியோக்கள் அடங்கும், இதில் பல திரிணாமுல் காங்கிரஸ் தலைவர்கள் உதவிக்கு ஈடாக பணத்தை பெற்று கொண்டதாக கூறப்படுகிறது.நரடா வலைத்தளத்தின் தலைமை நிர்வாகி மேத்யூ சாமுவேல் ரெகார்ட் செய்த இந்த வீடியோக்கள், 2016 ல் நடந்த மாநில சட்டமன்றத் தேர்தலுக்கு முன்னதாக வெளியிடப்பட்டன.
அப்போதைய திரிணாமுல் காங்கிரஸ் எம்.பி.க்களில் 7 பேரும் இந்த முறைகேட்டில் ஈடுபட்டனர் என்ற குற்றசாட்டு எழுந்துள்ளது.பாராளுமன்ற உறுப்பினர்களான கதா ராய், ககோலி கோஷ் தஸ்திதார், பிரசுன் பானர்ஜி மற்றும் அபருபா போத்தர் ஆகியோரையும் வழக்குத் தொடர சிபிஐ முயன்றது, ஆனால் மக்களவை சபாநாயகர் ஓம் பிர்லா இன்னும் அனுமதி வழங்கவில்லை.
மே 10 அன்று புதிய மேற்கு வங்க அமைச்சரவை பதவியேற்பு விழாவிற்கு ஒரு நாள் முன்பு, ஹக்கீம், முகர்ஜி, மித்ரா மற்றும் சாட்டர்ஜி ஆகியோருக்கு எதிரான சிபிஐ விசாரணைக்கு ஆளுநர் ஜகதீப் தங்கர் ஒப்புதல் அளித்திருந்தார்.
இந்நிலையில் மேற்கு வங்கத்தில் அமைச்சர்கள் கைது செய்யப்பட்ட சம்பவமும், அவர்கள் கைது செய்யபட்டதை எதிர்த்து விடுவிக்க கோரி மம்தா பானர்ஜி நேரடியாக மாநிலத்தின் முதல்வரே சிபிஐ அலுவலகம் ஓடி இருப்பது பரபரப்பை உண்டாக்கியுள்ளது.
விரைவில் மம்தா பேனர்ஜியும் சாரதா சிட்பண்ட் ஊழல் வழக்கில் கைது செய்யப்படலாம் என்ற தகவலும் மேற்கு வங்க ஊடகங்கள் இடையே விவாத பொருளாக மாறியுள்ளது.
