மலையாள திரைப்பட நடிகர் பஹத் ஃபாசில் நடித்த ட்ரான்ஸ் என்ற திரைப்படத்தை தர்மா விசுவல் கிரேஷன் நிறுவனம் நிலை மறந்தவன் என்ற பெயரில் தமிழாக்கம் செய்து பட வெளியீட்டுற்கு தயாராகி உள்ளது . இந்த படத்தின் ட்ரைலர் வெளியீட்டு விழா இன்று மாலை வடபழனி பிரசாத் லேபில் நடைபெற்றது.
இந்த விழாவில் பாஜக மூத்த தலைவர் H.ராஜா , இந்து மக்கள் கட்சி தலைவர் அர்ஜுன் சம்பத் ஆகியோர் கலந்துகொண்டு நிலை மறந்தவன் படத்தின் டிரைலரை வெளியிட்டனர்.இதில் பாஜக சென்னை கவுன்சிலர் உமா ஆனந்த், பாஜக செயற்குழு உறுப்பினர் கல்யாணராமன், திரைப்படத்தின் தமிழ் மொழியாக்கம் செய்த சிவராமன், பாஜக செய்தி தொடர்பாளர் அஸ்வத்தாமன் ஆகியோர் கலந்துகொண்டனர்.
இந்த விழாவில் பேசிய H. ராஜா :- மதத்தை வியாபார பொருளாக்கி அதை வீதிக்கு வீதி விளம்பரம் செய்வதை இந்த திரைப்படம் வெளிக்கொண்டு வந்து உள்ளது. தமிழகத்தில் திராவிடன் மாடல் ஒரு பாசிசிட் மாடல். கவர்னரே என்ன பேசலாம் என்று கட்டளை பிறப்பிப்பார்கள்.நாகசாமி என்ற எழுத்தாளர் ஹிந்து மதத்தை பற்றி எழுதிய புத்தகத்திற்கு விருது வழங்கக்கூடாது என்று சுபவீரபாண்டியன் கூறிய இந்த இடத்தில் நிலைமறந்தவன் திரைப்படம் வெளியாகியது தரமான விஷயம்.
