நடிகர் சூர்யாவிற்கு பாமக இளைஞர் அணி செயலாளர் அன்புமணி எழுப்பிய கேள்விக்கு நடிகர் சிவகுமாரின் மூத்த மகனும் பிரபல நடிகருமான சூர்யா விளக்கம் ஒன்றை அளித்தார் அதில்.,
மதிப்புக்குரிய மாநிலங்களவை உறுப்பினர் அன்புமணி ராமதாஸுக்கு வணக்கம். தங்கள் கடிதத்தை சமூக ஊடங்களின் வாயிலாகப் படித்தேன். என் மீதும் எனது குடும்பத்தார் மீதும் தாங்கள் காட்டியிருக்கும் அன்பிற்கும் நன்றி.
நீதிநாயகம் சந்துரு வழக்கறிஞராக இருந்தபோது நடத்திய ஒரு வழக்கில், அதிகாரத்தை எதிர்த்து சட்டப்போராட்டம் மூலம் நீதி எவ்வாறு நிலைநாட்டப்பட்டது என்பது ஜெய்பீம் படத்தின் மையக்கரு. பழங்குடியின மக்கள் நடைமுறையில் சந்திக்கும் பல்வேறு பிரச்சனைகளையும் படத்தில் பேச முயற்சித்திருக்கிறோம்.
கடிதத்திஃல நீங்கள் குறிப்பிட்டுள்ளதைப் போல, எந்தவொரு குறிப்பிட்ட தனிநபரையோ, சமுதாயத்தையோ அவமதிக்கும் நோக்கம் ஒருபோதும் எனக்கோ, படக்குழுவினருக்கோ இல்லை. சிலர் சுட்டிக் காட்டிய பிழையும், உடனடியாகத் திருத்தி சரி செய்யப்பட்டதைத் தாங்கள் அறீவிர்கள் என நினைக்கிறேன்.
படைப்புச் சுதந்திரம் என்ற பெயரில் எந்தவொரு சமுதாயத்தையும் இழிவுபடுத்தும் உரிமை இங்கு எவருக்கும் வழங்கப்படவில்லை என்ற தங்களின் கருத்தை முழுவதுமாய் நான் ஏற்கிறேன். அதேபோல, படைப்பு சுதந்திரத்துக்கு அச்சுறுத்தல் வராமல் காக்கப்பட வேண்டும் என்பதை நீங்களும் ஏற்பீர்கள் என்று நம்புகிறேன்.ஒரு திரைப்படம் என்பது ஆவணப்படம் அல்ல.
இத்திரைப்படத்தின் கதை, உண்மை சம்பவத்தை அடிப்படையாகக் கொண்டு புனையப்பட்டுள்ளது. இதில், வரும் கதாபாத்திரங்கள், பெயர்கள், சம்பவங்கள் அனைத்தும் யாரையும் தனிப்பட்ட அளவில் குறிப்பிடவிலை என்பதை தெரிவித்துக்கொள்கிறோம் என்கிற அறிவிப்பைப் படத்தின் தொடக்கத்திலேயே பதிவு செய்திருக்கிறோம்.
எளிய மக்களின் மீது நலன்மீது அக்கறையில்லாத யாருடைய கையில் அதிகாரம் கிடைத்தாலும், அவர்கள் ஒரே மாதிரிதான் நடந்துகொள்கிறார்கள். அதில், சாதி மத, மொழி, இன பேதம் இல்லை. உலகம் முழுவதும் இதற்கு சான்றுகள் உண்டு. படத்தின் மூலம் அதிகாரத்தை நோக்கி எழுப்பிய கேள்வியை, குறிப்பிட்ட பெயர் அரசியலுக்குள் சுருக்க வேண்டாம் என்று அன்புடன் கேட்டுக்கொள்கிறேன்.
ஒருவரைக் குறிப்பிடுவதாக நீங்கள் சொல்லும் அந்தக் கதாபாத்திரத்தின் பெயர், வேறொருவரையும் குறிப்பதாக ஒரு பத்திரிகையாளர் குறிப்பிடுகிறார். எதிர்மறைக் கதாபாத்திரங்களுக்கு எந்தப் பெயர் வைத்தாலும் அதில் யாரேனும் மறைமுகமாக குறிப்பிடப்படுவதாக கருதப்படுமேயானால்,அதற்கு முடிவே இல்லை.
அநீதிக்கு எதிராக ஒன்றிணைய வேண்டிய போராட்டக் குரல், பெயர் அரசியலால் மடைமாற்றம் செய்யப்பட்டு நீர்த்துப் போகிறது. சக மனிதர்கள் வாழ்வு மேம்பட என்னால் முடிந்த பங்களிப்பைத் தொடர்ந்து செய்கிறேன். நாடு முழுவதிலும் எல்லா தரப்பு மக்களின் பேரன்பும், பேராதரவும் எனக்கு இருக்கிறது. விளம்பரத்துக்காக யாரையும் அவமதிக்க வேண்டிய எண்ணமோ, தேவையோ எனக்கு இல்லை என்பதை பணிவுடன் தெரிவித்துக் கொள்கிறேன்.
சமத்துவமும், சகோதரத்துவமும் பெருக நாம் அனைவரும் அவரவர் வழியில் தொடர்ந்து செயல்படுவோம். தங்கள் புரிதலுக்கு நன்றி’ என்று குறிப்பிட்டுள்ளார். அதாவது அன்புமணி படத்தை தவறாக புரிந்து கொண்டார் எனவும் குறிப்பாக சூர்யா திரையில் காட்டிய சம்பவங்கள் சரிதான் என்பது போலவும் பெயர் அரசியலுக்குள் அன்புமணி சிக்க வைப்பது போன்ற தோற்றத்தை உண்டாக்குவது போல அறிக்கையில் குறிப்பிட்டார் சூர்யா.
இது பாமகவினரை கடும் அதிருப்தியில் ஆழ்த்தியது, திரைப்படத்தில் தவறாக கதை களத்தை அமைத்தது மட்டும் இல்லாமல் தான் செய்தது சரி படைப்பு சுதந்திரதிற்கு அச்சுறுத்தல் வர கூடாது, நான் நாடு முழுவதும் தெரிந்தவன் எனக்கு விளம்பரம் தேவையில்லை என சூர்யா குறிப்பிட்டுள்ளது கடும் அதிர்வலைகளை உண்டாக்கியது. இந்த சூழலில்தான் நடிகர் சூர்யாவிற்கு சூசகமாக பதில் கொடுத்துள்ளார்.
சேலம் மேற்கு தொகுதி பாமக சட்டமன்ற உறுப்பினர் அருள் ராமதாஸ் இது குறித்து முகநூலில் பதிவு ஒன்றை போட்டுள்ளார் அதில் அண்ணன் அன்புமணிக்கு சவால்விடும் குள்ளன் படத்தை சேலம் மாவட்டத்தில் இனி ஓட விடமாட்டோம் -அன்புமணியின் தம்பிகள் (தம்பிங்க தான் ஜெயிப்பாங்க) என குறிப்பிட்டுள்ளார்.
அவர் சூர்யாவை குள்ளன் என விமர்சனம் செய்து இருப்பது அவர் போட்ட பதிவிற்கு கீழே கமெண்ட் செய்தவர்களை கொண்டு அறிய முடிகிறது, இனி சூர்யா திரைப்படம் மட்டும் அல்ல அவரது சகோதரர் கார்த்தி திரைப்படமும் திரையில் வெளியாவது சந்தேகம்தான் என்கின்றன விவரம் அறிந்தவர்கள்.
