புதிய தமிழகம் கட்சியின் இளம் அரசியல் முகமாக அறியபடுபவர் ஷ்யாம் கிருஷ்ணசாமி மருத்துவரான ஷ்யாம் தமிழகத்தின் தொடர் அரசியல் நிகழ்வுகள் குறித்து அவ்வப்போது கருத்து தெரிவித்து வருபவர், அவர் தெரிவிக்கும் கருத்துக்கள் நேரடியாக எதிர் தரப்பை பதம் பார்க்கும் வகையில் இருக்கிறது.
இந்த சூழலில் இன்று ஷ்யாம் தெரிவித்து இருக்கும் கருத்து அரசியலை தாண்டி சினிமாவில் அதிர்வலைகளை ஏற்படுத்தியுள்ளது, ஷ்யாம் தனது ட்விட்டர் பக்கத்தில் : இவனுங்களுக்கு நியாயமான கேள்விகளை பக்குவமாக கேட்டால் திமிரா தான் பதில் சொல்லுவானுங்க…
பெரிய கொம்பன் என்ற நினைப்பை எல்லாம் உடைத்து ஹீரோ முதல் தயாரிப்பாளர் வரை அழ விட்டாத்தான் இவனுங்க சண்டியத்தனம் கொஞ்சமாவது அடங்கும் என குறிப்பிட்டுள்ளார்.
ஷ்யாம் எந்த நடிகர் தயாரிப்பாளர் என குறிப்பிடவில்லை என்றாலும் கடந்த சில நாட்களாக அரசியலை கவனித்து வரும் நபர்கள் அனைவருக்கும் தெரியும் ஷ்யாம் குறிப்பிடுவது சூர்யாவை என்றுதான்.. ஜெய்பீம் திரைப்படத்தை சூர்யா தயாரித்து நடித்து இருந்தார் இந்த திரைப்படம் பல்வேறு சர்ச்சைகளை உண்டாக்கிய நிலையில் வன்னியர்களை தவறாக உருவகப்படுத்துவதாக சர்ச்சை வெடித்தது.
இந்த சூழலில் பாமக இளைஞர் அணி செயலாளரும் எம்பி-யுமான அன்புமணி நடிகர் சூர்யாவிற்கு ஜெய்பீம் திரைப்படம் குறித்து 9 கேள்விகளை பக்குவமாக நாகரீகமாக எழுப்பி இருந்தார், உண்மைக்கு புறம்பாக ஏன் காட்சிகளை அமைத்தீர்கள் வன்னியர்களின் அக்கினி கலசத்தை ஏன் தவறாக பயணப்படுத்துனீர்கள் உள்ளிட்ட பல்வேறு கேள்விகளை எழுப்பி இருந்தார்.
ஆனால் அன்புமணி எழுப்பிய எந்த கேள்விக்கும் நேரடியாக பதில் அளிக்காத சூர்யா தான் திரைப்படம் எடுத்தது சரி என்பது போலவும், அன்புமணியின் புரிதல்தான் தவறு என்பது போலவும், நான் நாடு முழுவதும் தெரிந்த நடிகன் எனக்கு விளம்பரம் தேவையில்லை எனவும் சூர்யா அறிக்கை வெளியிட்டு இருப்பது கடும் அதிருப்தியை பாமக மற்றும் வன்னியர் அமைப்புகளிடம் உருவாகி இருக்கிறது.
நியாமாக பார்த்தால் வில்லன் பெயர் அந்தோணி சாமி அவர் பெயரை வைக்காமல் குருமூர்த்தி என வைத்தது ஏன் என எழுந்த கேள்விக்கு சூர்யா இப்போதுவரை பதில் சொல்லவில்லை, இந்த சூழலில் தான் ஷ்யாம் தெரிவித்து இருக்கும் கருத்து வைரலாகி வருகிறது, தொடர்ந்து மக்களை காயப்படுத்தும் வகையில் படம் எடுத்து வரும் சூர்யாவிற்கு பதிலடி கொடுக்கும் வகையில் ஷ்யாம் கருத்து அமைந்துள்ளதாகவே பார்க்க படுகிறது.
இவனுங்களுக்கு நியாயமான கேள்விகளை பக்குவமாக கேட்டால் திமிரா தான் பதில் சொல்லுவானுங்க…
— Shyam Krishnasamy (@DrShyamKK) November 12, 2021
பெரிய கொம்பன் என்ற நினைப்பை எல்லாம் உடைத்து ஹீரோ முதல் தயாரிப்பாளர் வரை அழ விட்டாத்தான் இவனுங்க சண்டியத்தனம் கொஞ்சமாவது அடங்கும்!
