பிக் பாஸ் சீசன் செவன் நிகழ்ச்சியில், பழைய பிக்பாஸ் போட்டியாளரும், நடிகருமான ஹரிஷ் கல்யாண் என்ட்ரி கொடுத்துள்ளார் இதுகுறித்த புரோமோ தற்போது வெளியாகியுள்ளது.
நடிகர் கமலஹாசன் தொகுத்து வழங்கி வரும், பிக் பாஸ் சீசன் 7 நிகழ்ச்சி பரபரப்பாக சென்று கொண்டிருக்கிறது. கடந்த 6 சீசன்களை விட, இந்த சீசனில் டாஸ்க்கள் வித்தியாசமாக இருப்பது மட்டுமின்றி போட்டியாளர்களும் யூகிக்க முடியாத ஸ்டேடர்ஜியுடன் விளையாடி வருகிறார்கள். இவர்களில் சிலருக்கு ரசிகர்கள் மத்தியில் நல்ல வரவேற்பு கிடைத்தாலும், ஒரு சிலர் மக்களின் அதிருப்திக்கு ஆளாகி வருகின்றனர்.
இதைத் தொடர்ந்து தற்போது வெளியாகி உள்ள நான்காவது புரோமோவில், பிக் பாஸ் வீட்டில் உள்ளே அதிரடியாக நுழைந்துள்ளார் பிரபல நடிகரும், பிக் பாஸ் சீசன் 1 போட்டியில் வைல்ட் கார்டாக கலந்து கொண்ட நடிகர் ஹரிஷ் கல்யாண். இவர் நடிப்பில் அடுத்த வாரம் வெளியாக உள்ள பார்க்கிங் படத்தின் ப்ரோமோஷனுகாக உள்ளே வந்துள்ளார். இரண்டு ரீ என்ட்ரி போட்டியாளர்களால் சோகத்தில் இருந்த ஹவுஸ் மேட்ஸ் ஹரிஷ் கல்யாண் வருகையால் உற்சாகமடைந்துள்ளனர். .
பொறியாளன், வில் அம்பு என பல படங்களில் நடித்து வந்தாலும் அமலா பால் அறிமுகமான சிந்து சமவெளி படத்தில் மீசை கூட முளைக்காத இளைஞராக அறிமுகமான ஹரிஷ் கல்யானுக்கு எந்தவொரு படமும் கை கொடுக்கவில்லை. பின்னர் கமல்ஹாசன் தொகுத்து வழங்கிய பிக் பாஸ் நிகழ்ச்சியின் முதல் சீசனில் போட்டியாளராக கலந்து கொண்டார் ஹரிஷ் கல்யாண். ரைசா வில்சன் உடன் அந்த நிகழ்ச்சியில் ரொமான்ஸ் செய்து வந்தாலும், இருவரும் டைட்டிலை வெல்லவில்லை. ஆனால், யுவன் சங்கர் ராஜாவின் தயாரிப்பில் பியார் பிரேமா காதல் படத்தில் நடிக்கும் வாய்ப்பு கிடைத்ததும் ஹரிஷ் கல்யாண் தனது செகண்ட் இன்னிங்ஸை சினிமாவில் தொடங்கி சமீபத்தில் தோனி தயாரிப்பில் நடிக்கும் வாய்ப்பு வரை பெற்றார்.
ரைசா வில்சன் உடன் பியார் பிரேமா காதல், தனுசு ராசி நேயர்களே உள்ளிட்ட படங்களில் நடித்த நிலையில், இருவரும் திருமணம் செய்துக் கொள்ளப் போவதாக கிசுகிசு கிளம்பின. ஆனால், ஹரிஷ் கல்யாண் வேறு ஒரு பெண்ணை திருமணம் செய்துக் கொண்டார். அதன் பின்னர் பிக் பாஸ் நிகழ்ச்சி பக்கமே எட்டிப் பார்க்காமல் இருந்த ஹரிஷ் கல்யாண் விரைவில் வெளியாக உள்ள தனது பார்க்கிங் படத்தின் புரமோஷனுக்காக மீண்டும் பிக் பாஸ் நிகழ்ச்சிக்கு வரவிருப்பதை தனது எக்ஸ் தளத்தில் பதிவிட்ட ஹரிஷ் கல்யாண், பிக்பாஸ் வீட்டினுள் நுழைந்துள்ளார்.
பிக் பாஸ் ஹவுஸ் மேட்ஸ், அடித்து பிடித்து நாமினேட் செய்து வெளியே அனுப்பிய அனன்யா ராவ் மற்றும் விஜய் வர்மா ஆகிய இருவர் இந்த வாரம் வீட்டிற்குள் வந்துள்ள நிலையில் போட்டியானது எப்படி போக போகிறது. ஆட்டம் காணுவார்களாக பூர்ணிமா, ஜோவிகா, மாயா என்பதை பொறுத்திருந்து தான் பார்க்க வேண்டும்.
