சூப்பர் ஸ்டார் என்கின்ற ஒரு இடத்தை பிடிப்பதற்கு தமிழ் சினிமாவில் அதிக போட்டிகள் நடந்து கொண்டிருந்தாலும் கடந்த சில காலமாக சூப்பர் ஸ்டார் இடத்தை விஜய் பிடிக்கப் போகிறார், சூப்பர் ஸ்டார் இடத்தை விஜய் பிடித்து விட்டார், சூப்பர் ஸ்டார் இடம் விஜய்க்கு தான், தற்பொழுது அந்த இடம் ரஜினி வசம் இருந்து மாறிவிட்டது என பல்வேறு விமர்சனங்கள் முன்வைக்கப்பட்டன. இது எல்லாவற்றிற்கும் மேலாக அடுத்த சூப்பர் ஸ்டார் விஜய் தான் என சிலர் அடித்துக் கூறியதும், அந்த சூப்பர் ஸ்டார்டம் எப்போதும்ரஜினிக்கு தான் என அதற்கு எதிர்மறை விமர்சனங்களை சிலர் வைத்ததும் குறிப்பிடத்தக்கது. இந்த நிலையில் ஜெயிலர் படத்தின் ஆடியோ வெளியீட்டு விழா நடந்தது, அப்பொழுது பேசிய சூப்பர் ஸ்டார் ரஜினிகாந்த் கூறிய குட்டி கதை ஒன்று இவை எல்லாவற்றிற்கும் முற்றுப்புள்ளி வைக்கும் விதமாக அமைந்தது. 

அப்போது கூறிய ரஜினிகாந்த் கழுகு உயர பறந்து கொண்டே இருக்கும், ஆனால் காக்கா அதனை தாண்டுவதற்கும், கழுகின் எல்லையை எட்டுவதற்கும் முயற்சிக்கும் ஆனால் கழுகு அவை எல்லாவற்றையும் தாண்டி மேலே சென்று கொண்டேதான் இருக்கும் காக்காவால் கழுகின் இடத்தை அதன் உயரத்தை ஆயுசுக்கும் பிடிக்க முடியாது எனக்கூறி கழுகு, காக்கா கதையை சொல்வதன் மூலமாக இந்த சூப்பர் ஸ்டார் விஷயத்திற்கு ஒரு முற்றுப்புள்ளி வைத்தார். அதன் பிறகு விஜயைத் தான் சூப்பர் ஸ்டார் ரஜினிகாந்த் கூறுகிறார், காக்கா என்றால் அது விஜய் தான் என வேறு பல கமெண்ட்கள் சமூக வலைதளத்தில் பறந்தன. மேலும் இதற்க்கு பதிலை லியோ ஆடியோ வெளியீட்டு விழாவில் கண்டிப்பாக விஜய் கூறுவார் என எதிர்பார்த்த ரசிகர்களுக்கு லியோ வெளியீட்டு விழா நடக்காமல் போனது வேறு ஏமாற்றமாக அமைந்தது.

இது மட்டுமல்லாமல் அடுத்தபடியாக லியோ படம் ஜெயிலர்  படத்தின் வசூலை கண்டிப்பாக முந்திவிடும், 'சூப்பர் ஸ்டார் விஜய்' என்பதை விரைவில் நிரூபிக்க போகிறார், ஜெயிலர் படம் 600 கோடி ரூபாய் வசூலித்தால் கண்டிப்பாக லியோ படம் அதனைதாண்டி அதிக கோடிகளை வசூலிக்கும், கண்டிப்பாக தமிழ் சினிமாவில் ஆயிரம் கோடி ரூபாய் வசூலித்த முதல் நடிகர் விஜய் என்கின்ற பெருமையை அடைவார் எனக் கூறி விஜய் ரசிகர்கள் இணையதளத்தில் கொண்டாடி வருகின்றனர். இன்னும் சில நாட்களில் லியோ திரைப்படம் வெளியாக இருப்பது குறிப்பிடத்தக்கது, இப்படிப்பட்ட சூழலில் திருநெல்வேலியில் படப்பிடிப்பில் இருக்கும் ரஜினிகாந்திடம் செய்தியாளர்கள் சந்தித்தபோது லியோ திரைப்படம் பற்றி கேட்கப்பட்டது, அப்பொழுது ரஜினிகாந்த் அவர்கள் 'லியோ திரைப்படம் மிகப்பெரிய வெற்றி அடைய எனது வாழ்த்துக்கள்' எனக் கூறியுள்ளார். 

இந்த விவகாரம் தான் தற்பொழுது பரபரப்பாகியுள்ளது, என்னதான் தன்னுடைய இடத்தை பிடிப்பதற்கு முயற்சித்து வந்தாலும் சக நடிகர் என்கின்ற முறையில், திரையுலகை சார்ந்தவர்கள் நன்றாக இருக்க வேண்டும் அதற்கு நிறைய படங்கள் நல்ல வசூல் பெற வேண்டும் என்ற நல்ல எண்ணத்தில் சூப்பர் ஸ்டார் ரஜினிகாந்த் இவ்வாறு கூறியுள்ளார் என தற்போது விமர்சனங்கள் எழுந்துள்ளது.இதுதான் சூப்பர் ஸ்டார்! இந்த நல்ல குணம் தான் அவரை இன்னும் சூப்பர் ஸ்டாராக வைத்துள்ளது! என ரஜினிகாந்த் அவர்களின் ஆதரவாளர்கள் கூறி வருகின்றனர், இதற்கு என்ன பதில் சொல்வது என்று தெரியாமல் விஜய் ரசிகர்கள் சமூக வலைதளத்தில் வேறு சில கமெண்ட்களை பதிவிட்டு வருவது குறிப்பிடத்தக்கது.